Back to News Releases

Hauv State Muaj Rooj Sibtham Txog Kev Ceebtoom Ntawm Cov Tshuaj Fumigant

Hu Rau: Charlotte Fadipe
916-445-3974 | Charlotte.Fadipe@cdpr.ca.gov
March 24, 2016 (16-5)
FOR IMMEDIATE RELEASE

English

(SACRAMENTO) – The California Department of Pesticide Regulation (DPR) Muaj ob lub rooj sibtham yuav los mloog thiab txais kev tawm suab ntawm tej pab pawg hauv cov pejxeem uas nyob ze kev ua liaj ua teb, hais txog yuav muab kev ceebtoom rau cov uas nyob ze ib cheeb tsam ntawm kev ua liaj ua teb zoo li cas, thaum sawvdaws yuav siv cov tshuaj (fumigants) rau liaj teb.

Cov pa tshuaj (fumigants) yog cov tshuaj uas lawv txuam rau hauv cov av ua ntej thaum muab tej qoob mus cog rau. Vim cov pejxeem muaj coob tus tau noog txog cov tshuaj ntawm no, yog lawv xav paub saib yog yam tshuaj abtsi tiag uas pheej siv ncig ib cheeb tsam ntawm lawv tej vajtse. Nyob hauv California cov tub qoob tub loo yuav tau siv cov tshuaj ntawm no los pab lawv kev ua liaj ua teb, los tswj kom txhob muaj kab noj lawv tej qoob loo, lawv thiaj ua tau qoob ntau txaus sawvdaws. Thaum siv cov tshuaj ntawm no lawm, nws yeej muaj txoj cai los tswj nruj heev kom siv raws nraim txoj cai nws kuj nyob ntawm tej lub County lawv cov kev tswj cov tshuaj (fumigants) no xwb.

"Pejxeem pom tias sawvdaws tau siv tej tshuaj rau liajteb los mus pab rau sawvdaws tej qoobloo ntawm kev ua noj ua haus ib cheeb tsam nyob ncig sawvdaws ntawv. Nws kuj tseemceeb kawg uas peb sawvdaws yuav tau siv peb lub sijhawm los mloog kev tawm suab thiab yuav ua li cas los pab qhia sawvdaws kom paub meej thaum sawvdaws siv cov tshuaj (pesticides) ntawm no," Director Brian Leahy tau hais li ntawv.

DPR tab tom nrhiav kev los mus tshab xo qhia txog cov cai tswj tshiab ntawm no los mus kav tag nrho hauv lub xeev hauv no. nws muaj ob lub rooj sib tham ntawm no rau pejxeem sawvdaws los mus tawm suab yuav muab kev tshab xo ceebtoom rau cov tshuaj (fumigants) ntawm no, sawvdaws yuav tau pab tawm suab saib kev yuav ceebtoom rau sawvdaws yuav tau ua li cas thiaj yog thiab siv tau.

Txoj cai tshiab hauv DPR yog yuav los qhia rau cov pejxeem uas nyob ze ib cheeb tsam ntawm kev ua liaj ua teb kom paub txog txoj cai tshiab los tswj thaum uas tau siv cov tshuaj, lawv yuav muaj kev ceebtoom li cas rau pejxeem paub. Qhov tseeb yog DPR xav hnov los ntawm sawvdaws:

  • Yuav yog thaum twg thiab yuav ua li cas qhia ceebtoom kom paub meej;
  • Yuav yog deb npaum licas ntawm thaj teb mus rau tom tej vajtse, uas yuav tsum muaj kev ceebtoom qhia lawv kom paub;
  • Pus muaj lwm yam lus ntxiv nrog rau cov kev tshab xo uas yuav tsum tau muaj nyob rau hauv txoj cai tshiab.

Saib ntxiv mus muaj qhia nyob nov

Lub rooj cov qhia ntawm no, qheb rau txhua txhia tus mus koom, thiab yuav muaj nyob raws li hauv qab no:

Salinas area
April 12, 2016, 6:00 p.m. - 9:30 p.m.
Spreckels Veterans Memorial Building
90 5th Street, Spreckels, CA 93962
Spreckels is approximately 1.5 miles southwest of Salinas

Fresno area
April 14, 2016, 6:00 p.m. - 9:30 p.m.
Mosqueda Community Center
4670 E. Butler Avenue
Fresno, CA 93702


###

Find us on Facebook Follow us on Twitter Watch us on Youtube